einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2798 der minnete ze sêre.Ir hât des iuch genüegen sol: dar under lêr ich iuch wol iuwer êre bewarn. ir sult mit uns von hinnen varn:2803 wir suln turnieren als ê. mir tuot anders iemer wê daz ich iuwer künde hân, sol iuwer rîterschaft zergân. vil maneger beschirmet sich dâ mite:2808 er giht ez sî des hûses site, ist er êlîche gehît, daz er danne vür die zît sül weder rîten noch geben: er giht er sül dem hûse leben.2813 er geloubet sich der beider, vreuden unde cleider die nâch rîterlîchen siten sint gestalt und gesniten: und swaz er warmes an geleit,2818 daz giht er ez sîn wirtes cleit. |