Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

1579 unz sichs diu werlt verstât,
        und ob ez niemer ergât,
        daz man ez doch für wâr hât.
        daz machet wîselôser rât.
        der frume wirt niht mêre
1584 wan der schade an êre.
        Welch wünne ein wîp dâ mite hât
        daz sî ir friunt sô lange lât
        an zwîvellîchen sorgen,
        die sint mir gar verborgen.
1589 ez ist ein unbescheiden site,
        ir friunt verderbent sî dâ mite
        und sûment guote minne;
        daz wirt in dar an ze gewinne.“
        Herze, ich hœre dich klagen
1594 daz dû wol möhtest verdagen;
        dû wirst von fremden leiden alt.
        daz dû mir hâst vor gezalt
        von wîbes unbescheidenheit,
        daz lieze ich den wesen leit
1599 den dâ schade von geschiht.

[ zurück ]