Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2102 er vorhte daz er im entrünne.
        als in Grêgôrius komen sach,
        vil sinneclichen im geschach:
        er begunde im entwîchen
        vil harte kärclîchen
2107 zuo den sînen vür daz tor.
        vil wol erbeite er sîn dâ vor,
        ob er in bekumbern möhte,
        daz im niene töhte
        diu helfe von sînem her.
2112 nû saz diu burcmûre und diu wer
        vol ritter unde vrouwen
        die daz wolden schouwen
        wederm dâ gelunge.
        nu ensûmde sich niht der junge.
2117 Ir ietweder sich dâ vleiz
        ûf ein langez puneiz.
        zuo ein ander wart in ger.
        alse schiere si diu sper
        under die arme sluogen,
2122 diu ors si zesamene truogen.
[ zurück ]