Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3947 daz ez im durch den halsperc brach
        und im ein grôze wunden stach,
        daz er vil sêre bluote.
        des wart in unmuote
        der lewe, wânde er wære tôt,
3952 und was im nâch dem tôde nôt.
        er rihte daz swert an einen strûch
        und wolt sich stechen durch den bûch,
        wan daz im her Îwein
        dannoch lebende vor schein.
3957 er rihte sich ûf und saz
        unde erwante dem lewen daz
        daz er sich niht ze tôde stach.
        her Îwein clagete unde sprach
        'unsælec man, wie verstû nû!
3962 der unsæligest bistû
        der ie zer werlte wart geborn.
        nû wie hâstû verlorn
        dîner vrouwen hulde!
        jane wær diu selbe schulde
3967 zer werlte niemans wan dîn,
[ zurück ]