Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6483 wîze lînwât reine,
        geridiert harte cleine,
        und ein samîtes mantellîn:
        dar under was härmîn,
        als ez ob hemde wol stât.
6488 des rockes heter wol rât,
        wand ez ein warmer âbent was.
        an ein daz schœneste gras
        daz sî in dem boumgarten vant,
        dar vuorte sî in bî der hant,
6493 und sâzen zuo ein ander.
        alrêrst dô bevander
        daz bî ir wünneclîcher jugent
        wonte güete und michel tugent.
        er jach daz man an kinde
6498 niemer mêre vinde
        süezer wort noch rehter site:
        sî mohte nâch betwingen mite
        eines engels gedanc,
        daz er vil lîhte einen wanc
6503 durch sî von himele tæte;
[ zurück ]