Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6570 si stuont von im vil verre
        und sprach: "geloubet, herre,
        ich enahte ûf iuwer slege niht
        und swaz mir von iu geschiht,
        unde nemet ir mir den lîp,
6575 ichn wirde doch nimmer iuwer wîp.
        des nemet iu ein zil."
        der rede treip si sô vil
        unz er si anderstunt
        sêre sluoc an den munt.
6580 sînen slac si niht vlôch:
        vil sêre si sich drunder zôch,
        daz si ir mêre emphienge.
        si wânde ir wille ergienge.
        si sprach: "wê mir vil armen wîbe!
6585 wære mîn geselle bî lîbe,
        diz bliuwen wære vil unvertragen."
        dô si sô lûte begunde klagen,
        Êrec fil de roi Lac
        [dannoch unversunnen lac]
6590 in des tôdes wâne,
[ zurück ]