Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9245 er enhæte sich gewert,
        wære im daz swert ganz beliben.
        alsus wart er getriben
        mit gewalte von dem gaste.
        Êrec begunde eht vaste
9250 rechen den grôzen slac.
        er ensluoc niht sam er ê phlac,
        sîn slege wâren grimmeclîch,
        zagen slegen ungelîch.
        er gap slac umbe slac,
9255 daz slac neben slage lac.
        sus berte er daz îsengewant
        unz im daz swert vor der hant
        von den slegen erglüete
        und daz im sîn güete
9260 umbe die ecke vaste entweich.
        sîn brûniu varwe diu wart bleich
        und muoste bresten sam jenes ê.
        nû waz welt ir daz er tuo mê?
        daz im sîn in der hant beleip,
9265 dâ mite warf er den er dâ treip
[ zurück ]