Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1098 wander meistert ez dar.
        ez was swære unde sneit
        sô sêre daz ez niht enmeit
        ezn schriete îsen unde bein.
        nune kunde sich her Îwein
1103 niht gehüeten dâ vor
        unde valte daz tor,
        und sluoc zen selben stunden
        dem wirte eine wunden,
        und genas als ich iu sage.
1108 er hete sich nâch dem slage
        hin vür geneiget unde ergeben:
        alsus beleip im daz leben,
        dô daz tor her nider sleif,
        deiz im den lîp niht begreif
1113 und sluoc, als ich vernomen habe,
        daz ros ze mittem satel abe,
        und schriet die swertscheide
        und die sporn beide
        hinder der versenen dan:
1118 er genas als ein sælec man.
[ zurück ]