Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5027 und nam daz ors mitten sporn,
        und het in ûf die brust erkorn
        und stach im einen selhen stich
        daz daz îsensper sich
        lôste von dem schafte
5032 und im in dem lîbe hafte.
        ouch sluoc im der rise einen slac,
        daz ich daz wol sagen mac,
        enhet in daz ors niht vür getragen,
        daz er im hæte geslagen
5037 noch einen slac als er dô sluoc,
        es wær ze dem tôde genuoc:
        dô truoc in daz ors dan
        unz daz er daz swert gewan.
        sâ kêrter wider ûf in,
5042 unde gestiurt in des sîn sin
        sîn kraft und sîn manheit,
        dô er wider ûf in reit,
        daz er im eine wunden sluoc.
        dô in daz ors vür truoc,
5047 dô sluoc im der rise einen slac,
[ zurück ]