Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7207 vol unz an daz halbe teil:
        des wuohs ir êre und ir heil.
        ouch was ir wehsel sô gereit
        daz er nie wart verseit
        manne noch wîbe,
7212 sine wehselten mit dem lîbe
        arbeit umb êre.
        sine heten nie mêre
        in alsô kurzen stunden
        sô vollen gelt vunden:
7217 si entlihen nie einen slac
        wan dâ der gelt selb ander lac.
        die schilte wurden dar gegeben
        ze nôtpfande vür daz leben:
        die hiuwens drâte von der hant.
7222 done heten sî dehein ander pfant
        niuwan daz îsen alsô bar:
        daz verpfanten sî dar.
        ouch enwart der lîp des niht erlân
        ern müese dâ ze pfande stân:
7227 den verzinseten sî sâ.
[ zurück ]