Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

862 ouch kan erz mir wol undersagen
      mit selher vuoge als er ie pflac,
      die niemen wol gezürnen mac.
      mîn her Keiî der ist sô wîs
      und hât selch êre und selhen prîs
867 daz man in gerne hœren sol;
      und hân ich nû wâr, daz wizzet ir wol.
      ich wil des iemer sîn ein zage
      daz ich im sîniu wort vertrage.
      ouch enhebet er niht den strît
872 der den êrsten slac gît:
      unz in der ander vertreit,
      sô ist der strît hin geleit.
      ichn wil mich mit dem munde
      niht gelîchen dem hunde,
877 der dâ wider grînen kan,
      sô in der ander grînet an.'
       Hie was mit rede schimpfes vil.
      ouch hete der künec ûf sîn zil
      geslâfen und erwachte sâ,
882 unde enlac ouch niht langer dâ.
[ zurück ]