einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage207 Noch ist sî weizgot alsô guot,erkante sî rehte mînen muot, und ob ich wære ein heiden, von der kristenheit gescheiden, daz sî durch niemans ræte212 sô sêre missetæte, swenne sî bekante daz daz ich ir noch nie vergaz eines halben tages lanc, sî sagete mir sîn etelîchen danc.217 Nû ist ez leider ein slac daz ein wîp niht wizzen mac wer sî mit triuwen meinet. ouch ist in bescheinet von mannen dicke selher list222 der uns von rehte schade ist, swaz man in mit eiden ie gehiez, daz man des lützel wâr liez; dâ von unsanfte ein wîp getar ir êre wâgen alsô gar227 ûf selhe ungewisheit. |