Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3373 daz ich mich niht vergâhe.
        ich wæne ez solde verdagen.
        entriuwen niht, ich sol imz sagen:
        ze swelher nôt ez mir ergê,
        ez wirt gewâget alsam ê."
3378 vil drâte si hin umbe sach,
        ze Êrecken si mit vorhten sprach:
        "herre, durch got vernim mich:
        bewar ez oder man sleht dich.
        ich sihe vünf gesellen
3383 die dich slahen wellen."
        als schiere si imz seite,
        ze wer er sich bereite.
        ir einer hete sich ûz genomen
        und was den andern vür komen,
3388 daz er tjostierte wider in,
        ûf sîn selbes ungewin,
        wan in stach Êrec fil de roi Lac
        daz er underm rosse tôt lac.
        dannoch wâren ir viere.
3393 der einen er schiere
[ zurück ]