Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Erec

6611 in etelîcher swære,
        er enweste wie oder wâ.
        er enlac niht langer dâ:
        als er erkande ir stimme,
        ûf spranc er mit grimme
6616 und rûschte vaste under sî.
        nû hiengen dâ nâhen bî
        swerte vil an einer want:
        der kam im einez in die hant.
        er hâte zornes genuoc.
6621 des êrsten rûsches er sluoc
        den wirt selbe dritten,
        under den saz er enmitten:
        die andern gâben die vluht.
        dâne warte eht niemen deheiner zuht:
6626 man sach dâ niemen hôher stân:
        "herre, welt ir vür gân,"
        wande swem der wec wart,
        der huop sich an die vart,
        ez was in sô geschaffen,
6631 die leien vür die phaffen:

[ zurück ]