einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8036 daz man in alsô vürhten sol?ich wânde daz hûs wære vol gewürmes und wilder tiere diu uns alsô schiere âne wer den lîp næmen, 8041 sô wir dar kæmen. noch hân ich ze lebene wân. er enwirt doch des niht erlân, ob es got geruochet, ez enwerde an im versuochet. 8046 sleht er mich, sô bin ich tôt: daz ist der werlde ein ringiu nôt." Guivreiz der künec guot erkande in wol alsô gemuot daz er benamen vollerite 8051 und daz durch niemen mite. dâ von geschach im ungemach, dô erz hûs von êrste ane sach. ezn half dehein widerstrîten, er enwolde vollerîten. 8056 nû huoben si sich ûf den wec. |