einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1282 wie ist uns dirre man benomen?swie lange er sich doch vriste mit sînem zouberliste, wir vinden in noch hiute. suochent, guote liute,1287 in winkeln und under benken. erne mac des niht entwenken erne müeze her vür.' sî verstuonden im die tür. Ein dinc was ungewärlich:1292 sî giengen slahende umbe sich mit swerten sam die blinden. solden si in iemer vinden, daz heten sî ouch dô getân. daz bette enwart des niht erlân1297 sîne ersuochtenz under im gar. bî sîner genist nim ich war, unz der man niht veige enist, sô nert in vil cleiner list. Dô er in disen sorgen saz,1302 nû widervuor im allez daz |