Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5415 daz er den lewen wunden sach.
        daz bescheinder wol: wander brach
        sîne senfte gebærde,
        von des lewen beswærde
        gewan er zornes alsô vil
5420 daz er sî brâhte ûf daz zil
        daz sî gar verlurn ir kraft
        und gehabeten vor im zagehaft.
         Sus wârens überwunden
        iedoch mit vier wunden
5425 die sî im heten geslagen.
        dochn hôrt in dâ nieman clagen
        deheinen der im geschach,
        niuwan des lewen ungemach.
         Nû was ez ze den zîten site
5430 daz der schuldegære lite
        den selben tôt den der man
        solde lîden den er an
        mit kampfe vor gerihte sprach,
        ob ez alsô geschach
5435 daz er mit kampfe unschuldec wart.
[ zurück ]