einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7068 swenn im daz liebest geschiht.wan sweder ir den sige kôs, der wart mit sige sigelôs. in hât unsælec getân aller sîner sælden wân:7073 er hazzet daz er minnet, und verliuset sô er gewinnet. Ir ors diu liefen drâte. ze vruo noch ze spâte sô neicten sî diu sper7078 und sluogens ûf die brust her, daz sî niene wancten. sine bürten noch ensancten deweder ze nider noch ze hô, niuwan ze rehter mâze alsô7083 als ez wesen solde und ir ietweder wolde sînen kampfgesellen ûf den sâmen vellen, daz ietweders stich geriet7088 dâ schilt unde helm schiet: |