Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7739 er ist mîn vriunt und suochet mich.'
        dô verstuondens alrêrst sich
        daz ez der degen mære
        mittem lewen wære,
        von dem sî wunder hôrten sagen
7744 und der den risen het erslagen.
         'Geselle,' sprach her Gâwein dô,
        'ich mac wol iemer sîn unvrô,
        daz ich iu sus gedanket hân
        des ir mir guotes hânt getân.
7749 den risen sluogent ir durch mich:
        des ruomde mîn niftel sich:
        wand ir enbutet mirz bî ir.
        ez hete durch mich, seit sî mir,
        der rîter mittem lewen getân:
7754 irn woldet sî niht wizzen lân
        wie ir wærent genant.
        dô neic ich umbe in älliu lant,
        ichn weste war ode weme,
        wan ich meintez hin ze deme
7759 der durch mich bestuont die nôt:
[ zurück ]