Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8719 boume maneger slahte,
        die einhalp obez bâren
        und andersît wâren
        mit wünneclîcher blüete:
        ouch vreute im daz gemüete
8724 der vogele süezer dôz.
        ouch enstuont dâ diu erde niht blôz
        gegen einer hande breit,
        diu enwære mit bluomen bespreit,
        die missevar wâren
8729 und süezen smac bâren.
        hie was der wâz alsô guot
        von dem obeze und von der bluot
        und der vogele widerstrît
        den si uopten ze aller zît
8734 und selh diu ougenweide,
        swer mit herzeleide
        wære bevangen,
        kæme er dar in gegangen,
        er müeste ir dâ vergezzen.
8739 des obezes mohte man ezzen
[ zurück ]