Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3135 beide trûric und unvrô:
        wan si sach die vreise,
        daz si vorhte werden weise
        des aller liebisten man
        den ie vrouwe gewan,
3140 wan ez stuont im angestlîchen.
        waz möhte sich gelîchen
        sô nâhen gânder riuwe
        die si von ir triuwe
        durch ir mannes liebe leit?
3145 dô si in selhem zwîvel reit,
        ob si imz torste gesagen
        oder solde gedagen,
        nû redete si in ir muote:
        "rîcher got der guote,
3150 ze dînen genâden suoche ich rât:
        dû weist al eine wiez mir stât.
        mîner sorgen der ist vil,
        wan mir ein unsenftez spil
        in einer alsô kurzen vrist
3155 ze gâhes vor geteilet ist.
[ zurück ]