einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4832 ez wirt iu lîhte her nâch kunt."nû schieden si sich zestunt. ir ietweder reit sînen wec, Keiîn und Êrec. Keiîn hin ze hove reit, 4837 und twanc in des sîn wârheit daz ers doch niht verdagete, wan daz er rehte sagete sîn schemelîchez mære, wiez im ergangen wære, 4842 und gap dem schaden selhen gelimph daz man gar vür einen schimph sîne schande vervie und man sîn ungespottet lie. als in dô selh manheit 4847 von dem ritter wart geseit, dô nam si besunder alle michel wunder wer der ritter möhte sîn. dô sprach Keiîn: 4852 "ich enmohte sîn niht erkennen: |