einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5406 vil manegen geiselslac er leitdâ er vor in hin reit. si sluogen in âne erbarmen, sô sêre daz dem armen diu hût hin abe hie 5411 von dem houbete an diu knie. si brâchen vaste ritters reht und handelten den guoten kneht, und wære er begangen, an diebes stat gevangen, 5416 selher zuht wære ze vil. er was geslagen unz ûf daz zil daz er des bluotes was ersigen unde nû sô gar geswigen daz in schrîens verdrôz. 5421 daz bluot regens wîs vlôz des rosses sîten hin ze tal: ez was bluotic über al. der ritter grôze quâle leit, sô unvernomen arbeit, 5426 daz nimmer man âne den tôt |