einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6631 die leien vür die phaffen:swie hôhe er wære beschorn, er wart dô lützel ûz erkorn, ez wære abbet od bischof. hie vlôch aller der hof. 6636 zen türn wart vil enge von grôzem gedrenge: der kneht vür sînen herren dranc. der wec dûhte si vil lanc der zen türn ûz gie. 6641 si enkâmen ze selher brûtlouft nie, ein schrit was in ein raste. si begunden vaste vliehen unde wenken. ez lâgen under benken 6646 vil guoter knehte wider ritter rehte. eines dinges vil geschiht, des enwundert mich niht, swer sînem lîbe vorhte treit, 6651 daz er durch sîne gewarheit |