Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Heinrich

371 ich vrâgete vil gerne:
       sô vil zuo Salerne
       von arzenîen meister ist,
       wie kumet daz ir deheines list
       ziuwerm ungesunde
376 niht gerâten kunde?
       herre, des wundert mich.<
       dô holte der arme Heinrich
       tiefen sûft von herzen;
       mit bitterlîchem smerzen,
381 mit selher riuwe er dô sprach,
       daz im der sûft daz wort zebrach:
       >ich hân den schämelîchen spot
       vil wol gedienet umbe got.
       wan dû sæhe wol hie vor
386 daz hôch offen stuont mîn tor
       nâch werltlîcher wünne
       und daz niemen in sînem künne
       sînen willen baz hete dan ich;
       und was daz joch unmügelich,
391 wan ich in hete mit vollen gar.

[ zurück ]