einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3580 als er dô ein ros genamdes in aller beste gezam, dô genâdete er im verre. er sprach: "lieber herre, nû gewert mich des ich iuch bite: 3585 dâ handelt ir mich wol mite. diu vrouwe lîdet von arbeit mit disen rossen michel leit, daz ich si vüeren müeze: der dienest ist mir süeze." 3590 Êrec sprach: "knabe, daz sult ir lân. jâ enist ez doch niht getân garwe âne sache. si muoz mit ungemache leben ze disen zîten." 3595 er sprach: "sô wil ich rîten." "got vergelte iu genâde unde guot: iuwer êre sî von im behuot, daz ir mit sælden müezet leben. knabe, nû rîtet gote ergeben." 3600 sîner gâbe was er vrô: |