einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8158 ein vil vrœlîchez liet.nû murmelte aber diu diet: "nû schînet du enwizzest niht wol waz dir hie geschehen sol. nû enist doch leider dar niht lanc 8163 daz dîn vrœlîchez sanc ein vil riuwic ende gît: daz geschiht ê morgen ze dirre zît. möhtestû wizzen und dîn wîp daz dû dînen gelphen lîp 8168 solt als unlange hân, sô liezestû dîn singen stân." alsô reit von in dan der vil unverzagete man ûf daz hûs ze Brandigân. 8173 dâ wart im sîn reht getân, sô daz man in vil schône emphie. der wirt engegen im gie verre vür daz bürgetor: dâ saluierte er in vor, 8178 mit im die burgære. |