einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8967 wan sîn zuht was vil grôz.alsô gienc er vür si stân. daz wære ir lieber verlân, wan si vorhte irz gewerren. doch gruozte si den herren, 8972 wan sis diu gewonheit niht erlie. mit selhen worten si in emphie: "herre, ich gruozte iuch gerne wol, wan daz nieman dem andern sol bieten ungetriuwen gruoz. 8977 wan daz iu sol unde muoz schade und laster hie geschehen, sô hæte ich gerne iuch gesehen. wes rât hât iuch her brâht? oder habet ir iuz selbe erdâht 8982 durch iuwers herzen gelust? sô traget ir under iuwer brust einen ungetriuwen râtgeben, wan er hât verrâten iu daz leben. herre, gât durch got von mir stân. 8987 ez muoz iu an den lîp gân, |