Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2730 sô müezet ir gote erbarmen.
        bestiftet iuwer eigen,
        swâ iuwer wîsen zeigen,
        mit rîchen klôstern (daz ist guot):
        sus senftet sînen zornmuot
2735 den wir sô gar erbelget hân.
        ich wil im ouch ze buoze stân:
        vrouwe, liebiu muoter mîn,
        diz sol diu jungist rede sîn
        die ich iemer wider iuch getuo.
2740 wir suln ez bringen dar zuo
        daz uns noch got gelîche
        gesamene in sînem rîche.
        ich engesihe iuch niemer mê.
        wir wæren baz gescheiden ê.
2745 dem lande und dem guote
        und werltlîchem muote
        dem sî hiute widerseit.'
        hin tet er diu rîchen kleit
        und schiet sich von dem lande
2750 mit dürftigen gewande.
[ zurück ]