Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3065 Dô diz daz guote wîp ersach,
        si wahte in ûf unde sprach:
        'wiltû varen, guot man,
        sich, dâ sûmestû dich an.
        mîn wirt wil varen ûf den sê.'
3070 dô enwart niht gebiten mê.
        er vorhte im grôzer swære,
        daz er versûmet wære;
        dâ wider wart er dô
        sînes muotes harte vrô,
3075 daz er in solde vüeren hin
        als er gelobete wider in:
        diu liebe und diu leide
        die macheten im beide
        ze sînem gâhenne daz
3080 daz er der tavele vergaz
        die er zallen zîten
        truoc bî sîner sîten.
        die îsenhalten truoc er dan
        unde gâhte nâch dem man.
3085 Er ruofte durch got daz er sîn bite.
[ zurück ]