einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3790 nie bâbest gesatder baz ein heilære der sêle wunden wære. Er kunde wol ze rehte leben, wan im diu mâze was gegeben3795 von des heiligen geistes lêre. des rehten huote er sêre. ez ist reht daz man behalte diemüete in gewalte (dâ genesent die armen mite)3800 und sol doch vrävellîche site durch die vorhte erzeigen und die mit rehte neigen die wider dem rehten sint. ob aber ein des tiuvels kint3805 durch die stôle niene tuo, dâ hœret danne gewalt zuo. des sint diu zwei gerihte guot: si lêrent reht, slahent hôhen muot. man sol dem sündære3810 ringen sîne swære |