Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1648 sich mîn underwunden hât,
        sô hât sî michel reht dâ zuo
        daz sî der zweier einez tuo,
        daz si ir râte her ze mir
        od mir den muot beneme von ir:
1653 wan ich bin anders verlorn.
        daz ich ze vriunde hân erkorn
        mîne tôtvîendinne,
        dazn ist niht von mînem sinne:
        ez hât ir gebot getân:
1658 dâ von sol sî mich niht lân
        als unbescheidenlich under wegen.
        ouwî wan wolde sî nû pflegen
        gebærde nâch ir güete!
        vreude und guot gemüete
1663 daz zæme mîner vrouwen baz
        dan dazs ir selber ist gehaz.
        die marter und die arbeit
        die sî an sich selben leit,
        die sold ich billîcher enpfân.
1668 ouwê waz hât ir getân
[ zurück ]