einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4778 ode dem risen an gesigen,dem ich sô vil vertragen muoz. nû gnâdet im ûf sînen vuoz: daz ist mîn bete und mîn gebot.' her Îwein sprach 'nu enwelle got4783 daz mir diu unzuht geschehe daz ich ze mînen vüezen sehe diu mîns hern Gâweins swester ist. jâ wære des, wizze Krist, dem künege Artûs ze vil.4788 ich sol unde wil gedienen immer mêre daz sî der grôzen êre mich armen man erlâze: mich gnüeget rehter mâze.4793 ich sag iu wie ich in bestê. als ich iu gelobete ê, kumt er uns vruo ze selher zît, swenne sich endet der strît, daz ich umbe mitten tac4798 ir ze helfe komen mac |