Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6596 daz in nâch grôzer arbeit
        aller oftest ergie.
        zwêne risen die sint hie:
        desn ist dehein mîn gast erlân
        erne müese sî bestân;
6601 daz sî noch nieman überwant!
        und ist iedoch alsô gewant:
        wære dehein sô sælec man
        der in beiden gesigete an,
        dem müese ich mîne tohter geben.
6606 und solde mich der überleben,
        der gewünne michel êre
        (ichn hân niht kindes mêre)
        und wurd im allez diz lant.
        ouch ist ez leider sô gewant:
6611 unz sî unüberwunden sint,
        sône mac ich mîn kint
        deheinem manne gegeben.
        wâget, rîter, daz leben.
        nû ist iu lîhte guotes nôt:
6616 werdet rîche, od liget tôt.
[ zurück ]