einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage317 mîniu leit niht klagen sol,herze, dar an tuost dû niht wol, sît ouch dû mir niht râtes gîst. sô grîfe ich dicke dâ dû lîst und kæme dir es gerne ze klage;322 so ist alsô guot daz ich ez verdage, wan sô verest dû dar inne - daz heize ich unminne - von freuden als ein vogellîn. nu wie möhtest du ungetriuwer sîn?327 wan ich solde zuo dir haben fluht; und wære ez niht ein unzuht, ich schrire wâfen über dich. nû war umbe tœtest dû mich? Got hât leider gegeben332 mir mit dir ein unnützez leben, wan daz ich ez wol helen kan. ich bin ein freudelôser man, wan mich des tages unmanige zît diu selbe leide vrî gît.337 sô aber sî mich danne verlât |