Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4413 diu trügevreude ist ein niht,
        diu sô mit listen geschiht,
        sô der munt lachet
        und daz herze krachet
        von leide und von sorgen.
4418 ouch ist ez unverborgen,
        ezn kiese listvreude ein man
        der sich iht versinnen kan,
        und welch vreude niht des herzen ist.
        ouch half sî unlange ir list:
4423 diu vorhte und die sorgen
        die ûf ten tac morgen
        hete wîp unde man,
        die gesigeten ir vreuden an.
        daz trûren behabte den strît,
4428 und verkêrte sich sô in kurzer zît
        daz iu daz nieman kan gesagen,
        in ein weinen und in ein clagen
        diu vreude der man dâ jach.
        als daz her Îwein ersach,
4433 dô vrâgte er den wirt mære,
[ zurück ]