Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1636 daz sî ze deheinem hazze neme,
        und ervar ir willen swâ dû kanst,
        ob dû dir sælde und heiles ganst.
        nu ensûme dich niht mêre!
        ich bevilhe dir unser êre,
1641 unser heil stât an dir.
        nû solt dû, lîp, hin ze ir
        unser fürspreche sîn.“
        daz tuon ich gerne, herze mîn.
        Swaz kumbers ich unz her erleit
1646 sît ich sorgen begunde,
        daz was ein senftiu arebeit
        unz an dise stunde.
        minne mich noch ie vermeit,
        sî was mir unkunde;
1651 nû hât si ir kunst und kraft an mich geleit,
        wan sî mir senfte erbunde,
        als ir wære niht ze leit
        ob ich gar verswunde;
        wan sî mir alsô an gestreit
1656 daz sich mîn herze enzunde.
[ zurück ]