Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

783 vil harte lobelîche
      wol diu vünfte tjost ergie,
      daz ir deweder vervâlte nie,
      wan daz si diu sper ûf stâchen
      daz si gar zebrâchen,
788 dô enhete ir Êrec niht mêre.
      des gesûmte er sich sêre.
      doch hete er daz alte sper
      sînes swehers gehalten her
      unz an die jungesten vart.
793 dar umbe hete erz dar gespart:
      grôz und gedigen was der schaft.
      ouch hete er sînes lîbes kraft
      harte wol enthalten dar,
      schône unde vil gar.
798 als er daz sper ze hant genam,
      sîn schilt im wol ze halse zam,
      er begunde ein wênic rîten
      ûz gegen vrouwen Ênîten
      dâ er si weinende sach.
803 über des schiltes rant er sprach:
[ zurück ]