einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich321 si hete ir gemüete mit reiner kindes güete an ir herren gewant, daz man si zallen zîten vant under sînem vuoze. 326 mit süezer unmuoze wonte si ir herren bî. dar zuo liebete er ouch sî swâ mite er mohte und daz der maget tohte 331 zuo ir kintlîchen spil, des gap ir der herre vil. ouch half in sêre daz diu kint sô lîhte ze wenenne sint. er gewan ir swaz er veile vant, 336 spiegel unde hârbant und swaz kinden liep solde sîn, gürtel unde vingerlîn. mit dienste brâhte er si ûf die vart, daz si im alsô heimlich wart 341 daz er si sîn gemahel hiez. |