Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6272 der vrâge hiez er sich erlân,
        er sprach 'ich sag iu ein bast.
        wænet ir niht, her gast,
        daz mich iht betrâge
        iuwer müezegen vrâge?
6277 ir verlieset michel arbeit.'
        der rîter sprach 'daz ist mir leit'
        und gie lachende dan,
        als der sich mittem bœsen man
        mit worten niht beheften wil:
6282 er hete sîn rede vür ein spil.
         Er ersuochte want und want,
        unz er die hûstüre vant,
        unde gienc zuo in dar in.
        swie gar von armuot ir sin
6287 wære beswæret,
        doch wârens unerværet,
        im enwürde al umb genigen,
        unde liezen ir werc ligen
        die wîle daz er bî in saz:
6292 ir zuht von art gebôt in daz.
[ zurück ]