Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

673 dû hâst kurzwîle vil,
      der ich dir manige zelen wil,
      dâ mite dû sîn vergezzen maht.
      mit slâfe ergetzet dich sîn diu naht;
      die ruowest dû gar, daz ist wâr
678 - daz heize ich daz halbe jâr -;
      den tac vertrîbest dû ringe
      mit manigem lieben dinge:
      dû hœrest singen unde sagen,
      dû maht beizen unde jagen,
683 spilen unde schiezen,
      wie solde dich verdriezen
      tanzen unde springen?
      dû maht wol sanfte ringen.
      der dinge ist tûsent stunt mê,
688 diu lânt dir selten werden wê;
      dû wirst von kurzwîle frô.
      sô enist mir niender sô:
      den âbent und den morgen
      ringe ich ie mit sorgen,
693 dâ enzwischen über alle zît;

[ zurück ]