einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1113 ze klôster, dâ er den abbet sachunder sînen bruodern. er sprach: 'herre, iu sendet diz kint, liute die iu willic sint, mîns bruoder tohter und ir man,1118 und geloubent starke dar an, ob ir ez selbe toufet, dem kinde sî gekoufet dâ mite ein sæligez leben, und geruochet im iuwern namen geben.'1123 Diu bete was der münche spot. si sprâchen: 'seht (sô helfe iu got) ze disem gebiurischen man, wie wol er sîne rede kan.' der herre emphie die rede wol1128 als der diemüete sol, und als er daz kint ersach, vor sîner bruoderschaft er sprach: 'ez ist ein sô schœne kint: sît si des gotes hûses sint,1133 dêswâr wir suln inz niht versagen.' |