einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4491 und sende mir hînaht den tôt.er giht (daz ist mîn meistiu nôt), swenn er mirs an beherte mit selhem ungeverte, sô weller ir ze wîbe haben rât,4496 und dem bœsten garzûn den er hât deme welle er sî geben. mac mir danne mîn leben niht wol unmære sîn? der rise heizet Harpîn.4501 hân ich den lasterlîchen spot gedienet iender umbe got, wold er daz rihten über mich unde lieze den gerich über mîniu unschuldigen kint,4506 diu biderbe unde guot sint!' Dô der gast sîn ungemach beidiu gehôrte unde gesach, daz begund im an sîn herze gân. er sprach 'wie habt ir daz verlân4511 irn suochtet helfe unde rât |