einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2728 daz ez niemen vür in tæte:des ist sîn lop noch stæte. vil ritterlîchen stuont sîn muot: an im enschein niht wan guot, rîch und edel was er genuoc, 2733 sîn herze niemen nît entruoc. er was getriuwe und milte âne riuwe, stæte unde wol gezogen, sîniu wort unbetrogen, 2738 starc schœne und manhaft. an im was aller tugende kraft. mit schœnen zühten was er vrô. der Wunsch hete in gemeistert sô, als wirz mit wârheit haben vernomen, 2743 daz nie man sô vollekomen ans künec Artûses hof bekam. wie wol er im ze gesinde zam! ûf êre leit er arbeit. harte grôze manheit 2748 erzeigete er den tac: |