Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3817 ob er genâde suochen wil,
        gît man im gâhes buoze vil,
        vil lîhte ein man dâ von verzaget,
        daz er sich aber gote entsaget
        und wirt wider des tiuvels kneht.
3822 dâ von gât gnâde vür daz reht.
        sus kunde er rehte mâze geben
        über geistlîchez leben,
        dâ mite der sündære genas
        und der guote stæte was.
3827 von sîner starken lêre
        sô wuohs diu gotes êre
        vil harte starclîche
        in rœmischem rîche.
         Sîn muoter, sîn base, sîn wîp
3832 (diu driu heten einen lîp),
        dô si in Equitâniam
        von dem bâbest vernam
        daz er sô gar wære
        ein trôst der sündære,
3837 dô suochte si in durch rât