Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1204 des wart sînem lîbe dicke wê,
        wande er sich alsus nerte,
        sîniu kint erwerte
        dem bittern hunger alle tage
        niuwan mit sînem bejage,
1209 ê er daz kint vunde.
        ouch wart dâ zestunde
        wol gesenftet sîn leben:
        dô im wurden gegeben
        von golde zwô marke,
1214 dô bezzerten sich starke
        alle sîne sache
        an getregede und an gemache.
         Nu enlie sîn ungewizzen wîp
        nie geruowen sînen lîp
1219 von tägelîcher vrâge.
        si sazte im manige lâge:
        ir liste kêrte si dar zuo
        beidiu spâte unde vruo
        wie si daz vernæme
1224 von wanne daz golt kæme.
[ zurück ]