Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

43 wan dâ enzwîvel ich niht an:
    als uns got an einem man
    erzeiget und bewæret hât,
    so enwart nie mannes missetât
    ze dirre werlde sô grôz,
48 er enwerde ir ledic unde blôz,
    ob si in von herzen riuwet
    und si niht wider niuwet.
     Von dem ich iu nû sagen wil,
    des schulde was grôz unde vil
53 daz si vil starc ze hœrenne ist,
    wan daz man si durch einen list
    niht verswîgen getar:
    daz dâ bî neme war
    älliu sündigiu diet
58 die der tiuvel verriet
    ûf den wec der helle,
    ob ir deheiner welle
    diu gotes kint mêren
    und selbe wider kêren
63 ûf der sælden strâze,

[ zurück ]