Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4178 her Gâwein ode her Îwein.'
         'Welhen Îwein meinet ir?' sprach er.
        sî sprach 'herre, daz ist der
        durch den ich lîde disiu bant.
        sîn vater ist genant
4183 der künec Urjên.
        der kumber dâ ich inne stên,
        der ist von sînen schulden.
        mir was ze sînen hulden
        alze liep und alze gâch,
4188 unde ranc starke dar nâch
        daz er herre wurde hie
        leider als ez ouch ergie.
        er behagete mir ze gâhes wol:
        wan swer den man erkennen sol,
4193 dâ hœret langer wîle zuo.
        ich lobet in leider alze vruo:
        ich wânde er kunde lônen baz.
        mîn rât vuoget ime daz
        daz sichs mîn vrouwe underwant
4198 und gap im lîp unde lant.
[ zurück ]