Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2075 diz sagete er niuwan einem man
        der in mohte wol dar an
        gevrumen und gewerren,
        dem oberisten herren:
        er wolde ez nieman mê sagen.
2080 morgen dô ez begunde tagen,
        dô hôrte er eine messe vruo
        und bereite sich dar zuo
        als er ze velde wolde komen.
        der wirt wart zuo der rede genomen,
2085 der half im ûz vür die stat.
        mit grôzem vlîze er in des bat
        daz er des war næme,
        swenne er wider kæme,
        daz er in lieze wider in,
2090 er bræhte vlust oder gewin.
         Alsus kam der guote
        mit manlîchem muote
        geriten über jenez velt
        vür des herzogen gezelt,
2095 dâ er in inne weste.
[ zurück ]