Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5764 wâ er ze vinden wære,
        und muote sî ir irrevart
        daz sî dâ von siech wart.
        sus kam sî nâch vrâge
        zeinem ir mâge
5769 und begund im ir geverte sagen,
        ir kumber und ir siecheit clagen.
        dô er ir arbeit ersach,
        er behabetes dâ durch ir gemach,
        unde sante, als sî in bat,
5774 sîn selbes tohter an ir stat,
        diu vür sî suochende reit
        und gewannes michel arbeit.
         Sus reit sî allen einen tac,
        daz sî geverten niene pflac,
5779 unz daz ez an die naht gienc.
        einen wec sî dô gevienc:
        der truoc sî in einen walt.
        diu naht wart vinster unde kalt,
        ez kam ein regen unde ein wint:
5784 ich wil geswîgen umb ein kint
[ zurück ]